رۆبرت داینس زوو، پاڵه‌وانی گۆڵفی ئه‌رجنتین ، له‌ یه‌کێک له‌ پێشبرکێکانیدا بڕێکی زۆر پاره‌ی به‌ده‌ست هێنا ،له‌ دوای وه‌رگرتنی خه‌ڵاته‌که‌ی که‌ پاره‌یه‌کی زۆر بوو ژنێک به‌ گریان و لاڵانه‌وه‌ به‌ره‌و پیری هات و تکای لێکرد بۆ چاره‌سه‌ری منداڵه‌که‌ی که‌ خه‌ریکه‌ بمرێت یارمه‌تی بدات.
هاواری کرد و وتی هیچ پاره‌یه‌کم نییه‌ بۆ کڕینی ده‌رمانه‌کانی و ئه‌گه‌ر تۆ یارمه‌تیم نه‌ده‌یت ئه‌وا منداڵه‌که‌م له‌ ده‌ست ئه‌یه‌م ، پاڵه‌وانی یاری گۆڵف ڕۆبرت داینس به‌ بێ دوودڵی و هه‌موو پاره‌که‌ی به‌خشی به‌و ژنه‌.
له‌ دوای هه‌فته‌یه‌ک یه‌کێک له‌ به‌رپرسانی لیژنه‌ی یاری گۆڵف به‌ رۆبرت ی وت : ئه‌ی ساده‌ دڵ ! هه‌واڵێکی سه‌یرم بۆت هه‌ییه‌. ئه‌و ژنه‌ی که‌ هه‌موو پاره‌که‌ت پێ به‌خشی هیچ منداڵێکی نه‌خۆشی نییه‌ ، ئه‌و ته‌نانه‌ت هاوسه‌رگیریشی نه‌کردوه‌ هه‌ر منداڵی نییه‌ ، تۆ خه‌ڵه‌تایت هاوڕێکه‌م !
ڕۆبرت زۆر به‌ خۆشحاڵیه‌وه‌ وه‌ڵامی دایه‌وه‌ : زۆر سوپاس بۆ خوا ، که‌واته‌ هیچ منداڵێک له‌و ئازارو نه‌خۆشیه‌دا نه‌بووه‌ . ئه‌ووه‌ هه‌واڵێکی زۆر دڵخۆشکه‌ره‌ بوو بۆم !!

و/ خه‌مبار هه‌ڵه‌بجه‌یی