ڕۆژێکیان کوڕ و باوکێك له‌سه‌ر چیایه‌ك پیاسه‌یان  ده‌کرد
له‌ناکاو کوڕه‌که‌ که‌وت به‌ زه‌یدا و ئازارێکی زۆری پێگه‌یشت  و هاواری کرد
ئائائا هـ هـ هـ!!!

به‌ سه‌ر سوڕمانێکه‌وه‌ ده‌نگه‌که‌ی خۆی بیسته‌وه‌ له‌ناو چیاکه‌ : ئائائاهـ هـ هـ !!!
کوڕه‌که‌ زۆر به‌ په‌رۆشه‌وه‌ بۆ زانینی ده‌نگه‌که‌ بانگی کرد (( تۆ کێی؟))
ئه‌وه‌بوو هه‌مان وه‌ڵامی بیسته‌وه‌ که‌ چیاکه‌ ده‌نگی دایه‌وه‌ ((تۆکێی ؟))
ئه‌نجا کوڕه‌که‌ هاواری کرد به‌ره‌و چیاکه‌ ووتی (( من سه‌رم لێت سوڕده‌مێنێ))
ده‌نگه‌که‌ش وه‌ڵامی دایه‌وه‌ (( من سه‌رم لێت سوڕده‌مێنێ))
کوڕه‌که‌ش له‌و وه‌ڵامه‌ زۆر توڕه‌ بوو ، هاواری کرد((ئه‌ی ترسنۆك))
ئه‌وه‌بوو به‌ هه‌مان شێوه‌ وه‌لام درایه‌وه‌((ئه‌ی ترسنۆك))
کوڕه‌که‌ش سه‌یرێکی باوکی کرد و لێی پرسی ،، ئه‌مه‌ چیه‌ ڕووده‌دات؟،،
باوکیشی به‌ زه‌رده‌خه‌نه‌یه‌که‌ ووتی: کوڕم گوێبگره‌
ئه‌نجا باوکه‌که‌ ووتی،،تۆ پاڵه‌وانیت،،
ده‌نگه‌که‌ وه‌ڵامی دایه‌وه‌ ،، تۆ پاڵه‌وانیت،،
کوڕه‌که‌ زۆر سه‌ری سوڕما به‌ڵام هیچ تێنه‌گه‌یشت
ئه‌نجا باوکه‌که‌ ده‌ستی کرد به‌ ڕوونکردنه‌وه‌ی بابه‌ته‌که‌و ووتی
،، خه‌ڵکی به‌مه‌ ده‌ڵێن ده‌نگدانه‌وه‌ ، له‌ڕاستیدا ئه‌وه‌ ژیانه‌ ، ژیان،،
ژیان هه‌ر ئه‌وه‌ت ده‌داته‌وه‌ که‌ تۆ ده‌یڵێیت یان ده‌یکه‌یت له‌م ژیانه‌دا به‌ساکاریه‌وه‌، ژیانمان ڕه‌نگدانه‌وه‌ی کاره‌کانمانه‌.
گه‌ر تۆ خۆشه‌ویستی زیاترت ئه‌وێ له‌م ژیانه‌دا، ئه‌وا خۆشه‌ویستی زیاتر له‌ دڵتدا دروستبکه ‌گه‌ر تۆ توانستی زیاترت ئه‌وێت له‌ تیمه‌که‌تدا پێش هه‌موو که‌س توانستی خۆت چاك بکه‌ ئه‌م په‌یوه‌ندیه‌ ئه‌کرێت بکرێته‌ پێوه‌ر بۆ هه‌موو لایه‌نه‌کانی ژیان
ژیان هه‌ر ئه‌وه‌ت ئه‌داته‌وه‌ که‌ تۆ پیت داوه‌
ژیان رێکه‌وت نیه‌ ، ژیان ڕه‌نگدانه‌وه‌ی تۆیه‌ ، تۆ !!!

س/په‌رتووکی چیرۆکه‌ ئه‌خلاقیه‌کان