توێژینه‌وه‌ییه‌کی نوێی پزیشکی ئه‌وه‌ی ئاشکرا کردووه‌ که‌ که‌م خه‌وی له‌ ته‌مه‌نی هه‌رزه‌کاریدا ده‌بێته‌ هۆی توش بوون به‌ نه‌خۆشیه‌کانی دڵ ، به‌ گوته‌ی پزیشکه‌کان که‌م خه‌وی یاخود خه‌وزران  له‌ ته‌مه‌نی هه‌رزه‌کاریدا کاریگه‌ری خراپی هه‌یه‌ بۆ سه‌ر ته‌ندروستی دڵ

به‌پێی هه‌والێکی ماڵپه‌ری " هێلث دی نیوز"ی ئه‌مه‌ریکی پزیشکه‌کان له‌ یه‌کێک له‌ نه‌خۆشخانه‌کانی شاری تۆرینتۆی که‌نه‌دی هه‌لساون به‌ ئه‌نجامدانی توێژینه‌وه‌ییه‌ک سه‌باره‌ت به‌ زیانه‌کانی که‌م خه‌وی و خه‌وزڕان بۆ سه‌ر ته‌ندروستی هه‌رزه‌کاران که‌ بۆیان ده‌رکه‌وتووه‌ که‌م خه‌وی زیان ده‌گه‌ینێت به‌ دڵ و توشی نه‌خۆشیه‌کانی دڵ ده‌بێت

هه‌روه‌ها پزیشکه‌کان ئاماژه‌ به‌وه‌ ده‌که‌ن که‌ خواردنی خۆراکی چه‌ور و ماده‌ کهولهیه‌کان و ئه‌و مادانه‌ی که‌ کافیان تیایه‌ که‌ هۆکارن بۆ که‌م خه‌وی ئه‌وا کاریگه‌ریان هه‌یه‌ له‌سه‌ر خه‌وزڕان

له‌لایه‌کی تر ئه‌وه‌یان روون کرده‌وه‌ که‌ که‌م خه‌وی په‌یوه‌ندی هه‌یه‌ به‌ به‌رزبوونه‌وه‌ی رێژه‌ی کۆلسترۆل له‌ خوێن