گومانی تێدا نیە، كە هەریەكێك لە ئێمە لەبەر هەر هۆكارێك بێ، كەسانێك هەن كەخۆشیان ناوێن!
چونكە بەداخەوە، مرۆڤ بەبێ بوونی ڕق ناتوانێ‌ بەردەوامی بە ژیان بدات!
هەروەها بەبێ خۆشەویستیش ژیانی بەردەوام نابێ ئەوەی جێی سەرنجە، گەر لە چاكە چاكتریش بێن بەهەمان شێوە كەسانێك هەر دەبن كە ڕقە بەرایەتیت بكەن!
هەندێ جار كردارەكانمان دەبنە هۆی نەفرەت‌و كینەی چواردەور هەندێ‌ جاری تر سەركەوتنمان لەهەر بوارێكدا دەبێتە هۆی ڕق لێبوونەوەمان.
هەموو پەیوەندییەكان هەمان یاسا دەیبات بەڕێوە خێزان، هاوڕێیەتی، دراوسێ، ناسیاو.
وەڵام نەدانەوەی ئەو هەستە سلبییە زۆر باشترە، چونكە ئەو كەسانەی ڕقەبەرایەتیمان دەكەن كێشەكە كێشەی خۆیانە هەرچەندە ئێمەش هۆكاربین بەڵام پەیوەندی بە ئێمەوە نیە ئەو كەسە خۆی وەرگیر دەبێ لەگەڵ هەستە سلبیەكانی خۆیدا هەرچەندە ئەو هەستە سلبیە پشت گوێ بخەین ئەوەندە كاردانەوەی كەمتر دەبێت.