ئەڤین ئاسۆ بەبۆنەی هاتنی مانگی ڕەمەزان و دانانی وێنەیەکی خۆی وەک نیشانەی هاتنی مانگی ڕەمەزان لەسەر پەیجی تایبەتی خۆی روبەڕوی رەخنەیەکی زۆری فانەکانی بویەوە لەو رەخنانەی بەهۆی دانانی وێنەیەكەیەوە کە بەلەچكەوە لێی گیراوە لە كۆمێنتێكدا نووسراوە، لەماوەی ١٢ مانگی ساڵدا بە دانەپۆشراویی وبە نیوەڕووتی دەردەكەویت، بەڵام یەك مانگ دەكەیتە قەڵغان بۆ پاكبوونەوە.

دەقی روونكردنەوەكە:

ئاگادارییەك بۆ هاورێیانم لە لاپەرەی تایبەتم

بەرێزان دوای گۆرینی وێنەكانی پرۆفایل و كۆڤەری لاپەرەكەم من وەك ئەركێكی ئاینی كە شانازی بە موسڵمان بوونی خۆم دەكەم و وەك رێزێك بۆ هاتنی مانگی پیرۆزی رەمەزان هەندێك كۆمێنت لەسەر وێنەكان دەنوسن كە راستەوخۆ ئەو بەرێزانە لە لایەن ئادمینەكانی پەیج لە هاورییەتیم لادەبەن ، دەمەوێت ئەوە بزانن كە هەر وەك هەمووان لە وڵاتێكی ئازاد و دیموكراسی و پێكەوە ژیان دەژین هەر وەك ئەوەی چۆن هەمووان ئازادن منیش هەمان ئازادیم هەیە بۆیە داوا دەكەم كەس دەست وەرنەداتە ژیانی تایبەتی من و بەر لەوەی كەس پێشنیار و ئامۆژگاری من بكات لە نەفسی خۆی بپرسێتەوە دواتر كەسانی تر ، رێزگرتنم و عیبادەتەكانم لەم مانگە سوپاس بۆ خوا وەك هەمو ساڵانی تر بەردەوامە و وەك دەڵێن (كەس ناچیتە قەبری كەس ) من خۆم وەڵامی كارو كردەوەكانی خۆم دەدەمەوە تكا دەكەم لە نوسینەكانتان سەرنج بدەن وە زۆر سوپاسی هەموو ئەو هاورێیانە دەكەم كە بە كۆمێنتە جوانەكانیان هەمیشە هانی بەردەوامیم دەدەن ، تەنها بۆ ئەو بەرێزانەی كە شتانێك دەنوسن دەیانەوێت من سارد بكەنەوە دەبێت باش (ئەڤین ئاسۆ )بناسن كە من وەك كانیەكی هەمیشە هەڵقوڵاوم نە رادەوەستم و نە ووشك دەكەم هەر ووشەیەك لە ئاستی نزم دەنوسن ئەوە پێناسەی خودی خۆیانە و هەبوونی هاورێیەتیم لەگەڵتان تێكەڵ بەو هاورێیانە ناكەم كە هەمیشە ووشە وپێناسی وا دەنوسن كە لە ئاستی وەڵامدانەوەیان زمانم رادەوەستێ و خۆم بە بچوكیان دەزانم ، بۆیە ئەوەی من لە هەر دوانزە مانگەكەی ساڵدا دەیكەم پەیوەندی بە خودی خۆم و خودای خۆم هەیە و ئەوە مافی كەس نیە لێپرسینەوەم لەگەڵ بكا.



لڤین لە فەیس بووک