جه‌ژنی سه‌ری ساڵ
بڕوا ناکه‌م که‌سێ ببێ خه‌مێکی له‌ دڵا نه‌بێ
گێژه‌ ڵووکه‌ی گریانێ باخی دڵی نه‌ شۆردبێ
له‌وه‌ته‌ی هه‌م دڵم کوشته‌ی گریانێکه‌
دڵنه‌وای غه‌ریبیشم وه‌رینی گه‌ڵای دارێکه‌
بۆ پێشوازی له‌ ساڵێکی نۆێ............
دڵ ده‌بێته‌ ژیله‌مۆیه‌ و داده‌گیرسێ
ئه‌شکیش له‌ چاوا خۆی ڕه‌وا نابینێ
شنه‌ی سه‌رنجیشم یادێکی تاڵم پێ ده‌ره‌بڕێ
ئه‌مشه‌وشه‌قامه‌کان پڕ پڕن له‌ ڕووناکی
ژووره‌که‌شم وه‌کو جاران لێوان لێوه‌ له‌ تاریکی
چه‌ند چرکه‌یه‌کی ماوه‌ ساڵێکی نۆێ دابێ
پێکی جوانی عاشقان له‌ پێشوازی خۆی بنۆێنێ
لێره‌دا من ناکامم تۆش له‌ که‌یف و خۆشی خۆتی
پێم ناڵێی ئێستا تۆ به‌ چ شتێ دڵ خۆشی
گریانم ڕه‌هێله‌ی پاییزێ بوو بۆم ڕشتی
وه‌ك هه‌نگاوێکی به‌ پڕتاوو له‌ چاووتروکانێکا ڕۆشتی
دڵنه‌وایی غه‌ریبیم له‌وساته‌وه‌ یاوه‌ته‌وه‌ به‌ ته‌نیایی
خامه‌که‌شم هه‌نیسکه‌یا ناتوانێ بنوسێ شیعرێکی دی
له‌ تاو دابڕانی تۆ ووشه‌ش ڕسته‌م ئه‌شێوێنێ
له‌جیاتی ئاوه‌دانی دڵ چۆڵێتی خۆی ئه‌نوێنێ
شێعره‌کانی بۆ تۆم نووسی،شێعرێکیان هاتوو پرسی
باسی تۆی کرده‌ سه‌ردێڕێ بۆ دانانی شیعرێكی نۆێ
له‌پڕهه‌ستی پڕم نه‌یهێشت شیعر بێته‌ دووان
به‌ ئاهی سینه‌ی ساردم مۆمه‌که‌یشم سووتان....
بڕیار بێ تاکوو مابم تا ووشه‌م لێ نه‌تۆرێ
ئه‌بێ ئه‌م بێ وه‌فاییه‌ت وه‌ک ویردێ له‌سه‌ر لێوبێ
ئێستاش هه‌روه‌ک به‌فرێ به‌ بێ ده‌نگی ئه‌تۆێمه‌وه‌
په‌شیمانم له‌گشت شتێ کاته‌ کانم ئه‌وێته‌وه‌......      هێمن نه‌قشبه‌ندی