به‌ناوی خوای به‌خشنده‌ی میهره‌بان
سوپاس و ستایشی بێ پایان بۆ خوای گه‌وره‌ و دروود و بارانی ڕه‌حمه‌ت بڕژێ به‌سه‌ر گیانی پاکی پێشه‌وای مرۆڤایه‌تی پێغه‌مبه‌رمان (د.خ)، وه‌ یار و یاوه‌رانی و شوێنکه‌وتوانی تا ڕۆژی دوایی.
فەرموو بەڕێزم بۆ وەڵامی پرسیارەکەت:
یاری کۆنکان یه‌کێکه‌ له‌م یاریانه‌ی که‌ حه‌ڕامه‌ ئه‌نجام بدرێ، واته‌ ئه‌گه‌ر له‌سه‌ر پاره‌بێ ئه‌وا قوماره‌، به‌ڵام ئه‌گه‌ر به‌بێ به‌رامبه‌ریش بێ ئه‌وا هه‌ر حه‌ڕامه‌ چونکه‌ مرۆڤ له‌یادی خوا بێ ئاگا ده‌کات و نوێژه‌کانی له‌سه‌ر ده‌چن، هه‌رچه‌نده‌ واش گومان ببا که‌ نوێژ و یادی خوای له‌بیر ناباته‌وه‌، چونکه‌ ئه‌م یاریه‌ هۆکارێکه‌ بۆ ئه‌وه‌ی خاوه‌نه‌که‌ی له‌ قومار نزیک ده‌خاته‌وه‌.
هۆکاری حه‌ڕامبوونی ئه‌م یاریه‌ بۆ ئه‌مخاڵانه‌ی خواره‌وه‌ ده‌گه‌ڕیته‌وه‌:
1. مرۆڤ له یادی خوا بێ ئاگا ده‌کات و نێژه‌کان دره‌نگ ده‌خات.
2. یاری کافر و بێ باوه‌ڕه‌کانه‌.
3. چه‌نده‌ها وێنه‌ی تێدایه‌ که‌نه‌شیاوه‌، که‌ هه‌ندێکیان نیشانه‌ن بۆ هاوه‌ڵ دانان بۆخوای گه‌وره‌.
4. وه‌ هۆکارێکی سه‌ره‌کیه‌ بۆ کوشتنی کات به‌ شتی بێ سوود و ڕاهاتن له‌سه‌ری.
5. ده‌بێته‌ مایه‌ی ڕق و قینه‌ درووست کردن له‌نێوان یاری که‌ران.
6. وه‌ هیچ سوودێکی مرۆڤایه‌تی و عه‌قڵ و بیری مرۆڤ نیه‌.
7. هۆکارێکه‌ بۆ زمان شوڕی و جوێن و قسه‌ی ناشیرن به‌یه‌کتر گوتن.
والله أعلم
والسلام علیکم ورحمة الله وبرکاته..

ماشاء الله مامۆستا گيان خوای گه‌وره‌ پاداشتت بداته‌وه‌ منيش زۆر سوودم لێبينی.