به‌ناوی خوای به‌خشنده‌ی میهره‌بان
سوپاس و ستایشی بێ پایان بۆ خوای گه‌وره‌ و دروود و بارانی ڕه‌حمه‌ت بڕژێ به‌سه‌ر گیانی پاکی پێشه‌وای مرۆڤایه‌تی پێغه‌مبه‌رمان (د.خ)، وه‌ یار و یاوه‌رانی و شوێنکه‌وتوانی تا ڕۆژی دوایی.
فەرموو بەڕێزم بۆ وەڵامی پرسیارەکەت:

به‌ڕێزم باوه‌ڕبوون به‌ خه‌وننامه‌کان که‌ زانایانی پایه‌به‌رزی ئیسلام لێکدانه‌وه‌ و شیکردنه‌وه‌یان کردووه‌ بۆیان، که‌ سه‌رچاوه‌که‌ی قورئان و فه‌رمووده‌ و به‌ڵگه‌کانی تری ئیسلام بێت، ئه‌وا باوه‌ڕپێ بوونی شتێکی ڕه‌وا و درووسته‌، به‌ڵام لێکدانه‌وه‌ی خه‌ون له‌لایه‌ن، که‌سانێک که‌ سه‌رچاوه‌ی ئایینی به‌کار ناهێنن، په‌نا بۆ ئه‌ستێره‌ ناسی و شتی تر ده‌به‌ن ئه‌وا جێگه‌ی متمانه‌ی ته‌واو نیه‌.
بۆ لێکدانه‌وه‌ی خه‌ون پێویسته‌ له‌لای که‌سێکی شاره‌زا له‌ قورئان و فه‌رمووده‌ و زانستی خه‌ون لێکبدرێته‌وه‌ و شیکردنه‌وه‌ی بۆ بکرێت نه‌ک ته‌نها پشت به‌ خه‌وننامه‌کان بکرێت، چونکه‌ خه‌ون به‌گوێره‌ی کات و سات و که‌س و وه‌رز و بار و زروفی که‌سه‌که‌ لێکدانه‌وه‌ی جیای بۆ ده‌کرێت.
والله أعلم
والسلام علیکم ورحمة الله وبرکاته..

به‌رێز تکایه‌ له‌ شوێنی گونجاو بابه‌ت بنوسه‌ ، ده‌توانیت له‌ بابه‌تێکی سه‌ربه‌خۆدا پرسیاره‌که‌ت بکه‌یت
تاکو مۆمۆستای به‌رێز بتوانێت به‌باشی وه‌لامت بداته‌وه‌...له‌گه‌ل رێزماندا،،، ده‌سته‌ی به‌رێوه‌به‌رایه‌تی